ಒಂದು ಸುಂದರ ಪ್ರೊಪೋಸಲ್ ಕವನ .....
೧.
ನಯನವು ನೀ ಆಗುವುದಾದರೆ - ನೋಟ ನಾನಾಗುವೆ.
ಹೃದಯದಿ ನೆಲಸುವುದಾದರೆ - ಬಡಿತವು ನಾನಾಗುವೆ.
ಹೇಳು ನೀ ನನ್ನ
ನಿನ್ನವಳಾಗಿಸಿ ಕೊಳ್ಳುವೆಯ?
೨.
ಹಕ್ಕಿಯಂತೆ ಹಾರುವುದಾದರೆ -ರೆಕ್ಕೆಯಾಗಿ ನಾನಿರುವೆ.
ನೀ ಮನಸಾದರೆ - ನಾ ನಿನ್ನ ಕನಸಾಗುವೆ.
ಹೇಳು ನೀ ನನ್ನ
ನಿನ್ನವಳಾಗಿಸಿ ಕೊಳ್ಳುವೆಯ?
೩.
ಹೆಜ್ಜೆ ಹಾಕುವ ಆಸೆ ಇದ್ದರೆ - ಗೆಜ್ಜೆಯಾಗಿ ನಲಿಯುವೆ.
ಹಾಡು ಹೇಳುವ ಬಯಕೆ ಇದ್ದರೆ - ತಾಳ ಹಾಕುತ ಕೂಡುವೆ.
ಹೇಳು ನೀ ನನ್ನ
ನಿನ್ನವಳಾಗಿಸಿ ಕೊಳ್ಳುವೆಯ?
೪.
ಮರವಾಗಿ ನೀ ನಿಲ್ಲುವುದಾದರೆ - ನೆರಳಾಗಿ ನಾ ನಿನ್ನ ಜೊತೆ ಸೇರುವೆ.
ಹೂವಾಗಿ ಅರಳುವುದಾದರೆ - ಕಂಪಾಗಿ ನಿನ್ನ ಸೇರುವೆ.
ಹೇಳು ನೀ ನನ್ನ
ನಿನ್ನವಳಾಗಿಸಿ ಕೊಳ್ಳುವೆಯ?
೫.
ಗಾಳಿಯಾಗಿ ನೀ ಬೀಸುವುದಾದರೆ - ತಂಪನ್ನು ನಾ ನೀಡುವೆ.
ಮಳೆಯಾಗಿ ಸುರಿಯುವೆಯ ಹೇಳು - ಹನಿಯಾಗಿ ಜೊತೆ ಬರುವೆ.
ಹೇಳು ನೀ ನನ್ನ
ನಿನ್ನವಳಾಗಿಸಿ ಕೊಳ್ಳುವೆಯ?
೬.
ಬದುಕಾಗಿ ಇರುವುದಾದರೆ - ಉಸಿರಾಗಿ ನೆರವಾಗುವೆ.
ಹಣ್ಣಾಗಿ ಸಿಗುವುದಾದರೆ - ರುಚಿಯಾಗಿ ನಾ ನಿನ್ನ ಒಡಲ ಸೇರುವೆ.
ಹೇಳು ನೀ ನನ್ನ
ನಿನ್ನವಳಾಗಿಸಿ ಕೊಳ್ಳುವೆಯ?
-- ಕವಿತ